Isa 3 | Ndebele | STEP | Ngoba khangela, iNkosi, uJehova wamabandla , izasusa eJerusalema lakoJuda insika lodondolo , insika yonke yesinkwa, lensika yonke yamanzi,

1 Ngoba khangela, iNkosi, uJehova wamabandla ^a, izasusa eJerusalema lakoJuda ^b insika lodondolo ^c, insika yonke yesinkwa, lensika yonke yamanzi, 2 iqhawe, lendoda yempi ^d, umahluleli, lomprofethi, lomvumisi, lomdala ^e, 3 induna yamatshumi amahlanu, lowemukelekayo ngobuso, lomeluleki, lombazi ohlakaniphileyo ^f, lowazi amalumbo. 4 Ngizabanika abafana ^{▼▼ abafana ababi: kumbe abantwana.} babe yiziphathamandla zabo ^h, lezihluku zizabusa phezu kwabo ⁱ. 5 Labantu bazacindezelwa ^j, omunye komunye, njalo ngulowo lalowo kumakhelwane wakhe; ijaha lizadelela omdala, lodelelekayo ohloniphekayo. 6 Lapho umuntu ezabamba umfowabo ^k wendlu kayise athi: Wena ulesembatho, woba ngumbusi wethu ^l, lokhukuchithakala kube ngaphansi kwesandla sakho ^m; 7 uzaphakamisa ngalolosuku ⁿ athi: Kangiyikuba ngumelaphi, ngoba endlini yami kakulakudla kakulasembatho; lingangimisi ngibe ngumbusi wabantu ^o. 8 Ngoba iJerusalema ikhubekile ^p, loJuda uwile, ngoba ulimi lwabo lezenzo zabo kumelene leNkosi, ukuvukela amehlo obukhosi bayo ^q.

9 Ukukhangeleka kobuso babo kuyafakaza ngabo; bememezela izono zabo ^r njengeSodoma ^s, kabazifihli. Maye kumphefumulo wabo! Ngoba bazenzela okubi. 10 Tshelani olungileyo ukuthi kuzakuba ^t kuhle kuye ^u; ngoba bazakudla isithelo sezenzo zabo ^v. 11 Maye kokhohlakeleyo! Kuzakuba kubi kuye ^w; ngoba umvuzo wezandla zakhe ^x uzakwenziwa kuye.

12 Abantu bami, abacindezeli babo ngabantwana ^{y
,} ^z, labesifazana bayababusa. Bantu bami, abakhokheli benu ngabaduhisi, basanganisa indlela yemikhondo yenu. 13 INkosi izimisele ^aa ukuphikisana ^ab, imi ukuthi yahlulele abantu. 14 INkosi ingena kusahlulelo ^ac labadala babantu bayo leziphathamandla zayo; ngoba lina lidle isivini ^ad; impango yomyanga isezindlini zenu. 15 Lina libachobozelani abantu bami ^ae, lichola ubuso babayanga? itsho iNkosi uJehova wamabandla.

Ukugwetshwa kwabesifazana beZiyoni

16 INkosi yasisithi: Ngenxa yokuthi ^af amadodakazi eZiyoni ^ag eziphakamisile, ehamba elule intamo, ehuga ngamehlo, ehamba ngokuqoqomela ehamba, ekhencezisa izigqizo enyaweni zawo ^ah, 17 ngakho iNkosi izakwenza inkanda yamadodakazi eZiyoni ^ai ibe loqweqwe, leNkosi izanqunula izitho zawo zangasese ^aj. 18 Ngalolosuku ^ak iNkosi izasusa ubuhle bezigqizo zawo ^al, lezicwatsho ^am, lamasongo anjengenyanga ^an, 19 amacici, lamasongo, lezimbombozo, 20 amaqhiye ^ao, lezigetsho, lamabhanti ^ap, lemifuma, lezintebe ^aq, 21 izindandatho ^ar, lamacici amakhala ^as, 22 izigqoko zemikhosi ^at, lamajazi, lezembatho ^au, lezamba ^av, 23 lezibuko ^aw, lezigqoko zelembu elicolekileyo kakhulu ^ax, lamaqhele ^ay, lamaveyili. 24 Kuzakuthi-ke endaweni yamakha ^az kube levumba ^ba, lendaweni yebhanti kube khona igoda, lendaweni yenwele ezilungiswe kuhle ^bb kube khona impabanga ^{bc
,} ^bd, lendaweni yesigqoko esihle kube khona isaka ^be, ukutsha endaweni yobuhle. 25 Amadoda akho azakuwa ngenkemba, lamaqhawe akho empini. 26 Lamasango ayo ^bf azakhala alile ^bg; yenziwe ize izahlala emhlabathini ^bh.